TOShKENT, 24 avg — Sputnik. O‘zbekistonlik para taekvondochilar Vyetnamda o‘tkazilgan Osiyo chempionatida oltita medalga sazovor bo‘lishdi. Bu haqida Milliy Paralimpiya qo‘mitasi xabar berdi.
Vyetnamning Xoshimin shahrida para taekvondo bo‘yicha Osiyo chempionati o‘z yakuniga yetdi. Unda ishtirok etgan O‘zbekiston terma jamoasi vakillari 2 ta oltin, 1 ta kumush va 3 ta bronza medalini qo‘lga kiritishdi.
Osiyo chempionati: o‘zbekistonlik para taekvondochilar umumjamoa hisobida 2 o‘rinni qo‘lga kiritishdi
© Milliy Paralimpiya qo‘mitasi
“Qit’aning 21 davlatidan 100 dan ortiq sportchi qatnashgan ushbu musobaqada O‘zbekiston terma jamoasi umumjamoa hisobida Erondan so‘ng 2-o‘rinni egalladi. Kuchli uchlikdan esa Qozog‘iston joy oldi”, - deyiladi xabarda.
Osiyo chempionati: o‘zbekistonlik para taekvondochilar umumjamoa hisobida 2 o‘rinni qo‘lga kiritishdi
© Milliy Paralimpiya qo‘mitasi
G‘olib va sovrindorlar:
Oltin:
-63 kg: Qudrat Haydarov
+65 kg: Guljanoy Naimova
Kumush:
-47 kg: Ziyoda Isoqova
Bronza:
-63 kg: Qudrat Suyunov
-70 kg: Asil Husanov
+80 kg: Asad Anvarov
Qolaversa, O‘zbekiston Osiyo chempionatining eng yaxshi jamoasi, bosh murabbiy Bobur Qo‘ziyev esa musobaqaning eng yaxshi treneri nomiga loyiq ko‘rildi.
Osiyo chempionati: o‘zbekistonlik para tayekvondochilar umumjamoa hisobida 2 o‘rinni qo‘lga kiritishdi
© Milliy Paralimpiya qo‘mitasi