TOShKENT, 24 avg - Sputnik. Ukrainda harbiy harakatlar davomida jangovar foydalanish tajribasi Rossiyaning "Ratnik" harbiy kiyim-bosh tarkibiga kiruvchi 6B47 dubulg‘asi (shlem, kaska) o‘zining yuqori samaradorligini namoyish qildi, deb xabar qildi "Rostex" korporatsiyasi.
"Ratnik" harbiy kiyim-boshi jangovar sharoitlarda foydalanish tajribasi shuni ko‘rsatadiki, bu haqiqatan ham insonlar hayotini saqlab qoladi. Xususan, 6B47 dubulg‘asi askar boshini NATOning birlashgan qurolli hamkasblariga qaraganda 30-40 % samaraliroq himoya qiladi", - dedi "Rostex" vakili.
Korporatsiyaning aniqlik kiritishicha, "Ratnik" dubulg‘asini ishlab chiquvchilar oldida turgan asosiy vazifa - askar boshini mayda oskolkalar va boshqa shikast yetkazuvchi jismlardan himoya qilish. Jangovar vaziyatlarda harbiy xizmatchilarning boshidan yaralanish holatlarining taxminan 75 % - 1-1,5 gramm og‘irlikdagi jismlar jismlar teshgishi oqibatida kelib chiqadi.
"Rostex" vakilining so‘zlariga ko‘ra, Ratnik 6B47 dubulg‘asi “nafaqat kichik narsalarni kechiktiradi, balki diametri 25-30 millimetr bo‘lgan yirik snarad parchalaridan va hatto o‘q tegishidan ham qutqarishi mumkin”.
"Dubulg‘a avtomatik o‘qning to‘g‘ridan-to‘g‘ri tegishidan saqlab qolgan holatlar ham bor", - deydi korporatsiya vakili.
Bundan tashqari, 6B47 turli kuch bilan berilgan zarba va jarohatlardan samarali himoya qiladi. Dubulg‘a uchta qatlamdan iborat bo‘lib, uni yuqori qatlami zarbani yutuvchi sifatlar bilan ta’minlaydi, u zarbalarni yaxshi qabul qiladi - dubulg‘ada pachoq bo‘lishi bo‘lishi mumkin, ammo jangchining sog‘lig‘iga zarar etkazmaydi.
Turli mamlakatlar harbiy dubulg‘alarni sinovdan o‘tkazgan Fransiyaning Dupont laboratoriyasi Rossiya harbiy dubulg‘asini eng yengil va eng samarali deb topgan.