TOShKENT, 23 avg — Sputnik. Faqat Rossiya bilan kelishuv Ukrainaga xavfsizlik kafolatlarini berishi mumkin edi, ammo Ukraina hukumati bu imkoniyatdan voz kechdi, deb hisoblaydi Rossiya Federatsiyasi Xavfsizlik kengashi raisi o‘rinbosari Dmitriy Medvedev.
“Faqat Rossiya bilan kelishuv xavfsizlik kafolatlarini berishi mumkin. Lekin G‘arb pullari va raketalari bilan rag‘batlantirilgan Ukraina hukumati buni rad etdi”, deb yozdi u seshanba kuni Telegram-kanalida.
Medvedevga ko‘ra, endi Amerika Qo‘shma Shtatlari ham Ukraina prezidenti Vladimir Zelenskiyga yorug‘ kelajak kafolatini taklif qilmaydi.
“Kiyev rejimi tushunadiki, (Ukrainaning hozirgi rahbarlari) uchun xavfsizlik kafolati umuman yo‘q va bo‘lishi ham mumkin emas. Hatto Qo‘shma Shtatlar ham Zelenskiy va uning sheriklariga yorug‘ kelajak kafolatini taklif qilmaydi. Bundan ma’no yo‘q”, deydi Xavfsizlik kengashi raisi o‘rinbosari.
Medvedevga ko‘ra, endi hech kim Ukrainani NATOga qabul qilmaydi, garchi ittifoqda rusofoblar bo‘lsa ham. Chunki ular o‘z joniga qasd qilishmaydi. Bu maxsus harbiy operatsiyaning bevosita natijasidir.