TOShKENT, 22 avg - Sputnik. O‘zbekistonda 2023-yilning 1-yanvaridan boshlab QQS miqdori 12%ga tushirilishini hamda biznes uchun soliq yukini kamaytirishni va’da berdi. Bu haqida prezident Shavkat Mirziyoyev Toshkentda tadbirkorlar bilan bo‘lib o‘tayotgan uchrashuvda aytib o‘tdi.
"Lekin sizlarni ishontirib aytaman: biz islohotlar yo‘lidan hech qachon ortga qaytmaymiz va 2023-yil 1-yanvardan boshlab qo‘shilgan qiymat solig‘i stavkasini 12 foizga tushiramiz!", - dedi Shavkat Mirziyoyev.
Shuningdek, Shavkat Mirziyoyev 1-iyuldan boshlab bo‘sh bino, foydalanilmayotgan yer uchastkasiga nisbatan mol-mulk va yer soliqlarining oshirilgan stavkalarini qo‘llash bekor qilinganini ham aytib o‘tdi va avval yuqori stavkalarda hisoblangan 2 trillon so‘mlik soliq qarzlaridan "butunlay voz kechishni" taklif qildi.
Undan tashqari, prezident tadbirkorlar imkoniyatlarini kengaytirish va yangi loyihalarni amalga oshirish uchun qulay moliyalashtirish tizimini yaratishni va ushbu ishlar uchun kichik biznes loyihalariga 20 trillion so‘m yo‘naltirishni taklif qildi.
Va shu bilan birga prezident tadbirkorlarga faqat kredit berishni emas balkim biznes yurishib ketishi uchun infratuzilma, yetarli shart-sharoit va kafolatli bozor bilan ta’minlash kerakligini alohida qayd etdi.
Ushbu maqsadlarga erishi uchun tuman va shaharlarning sharoitidan kelib chiqib biznes uchun alohida yondashuvlar joriy etiladi.