TOShKENT, 19 avg — Sputnik. Kobul Rossiyadan neft mahsulotlari va tovarlarni barter sxemasi bo‘yicha sotib olmoqchi, biroq moliyaviy tranzaksiyalar ham mumkin. Bu haqda Afg‘oniston sanoat va savdo vaziri Nuriddin Aziziy RIA Novosti agentligiga bergan intervyusida ma’lum qildi.
Shuningdek u Kobul yil oxirigacha 1 million tonnaga yaqin benzin va 1 million tonna dizel yoqilg‘isi yetkazib berish bo‘yicha Moskva bilan kelishib olishni istashini aytgandi.
“Bizning ustuvor vazifamiz - bu Rossiya tovarlarini barter sxemasi bo‘yicha import qilish, agar bunday sxema bo‘yicha operatsiyalar muvaffaqiyatsizlikka uchrasa, biz moliyaviy tranzaksiyalardan foydalanishimiz mumkin. Bu masalada hech qanday muammo yo‘q – bunday xomashyo yetkazib berish bo‘yicha Afg‘onistonga AQSh yoki Yevropa Ittifoqi tomonidan hech qanday cheklovlar yo‘q, Afg‘oniston bu tovarlar uchun pul to‘lashi mumkin”, dedi Aziziy.
Ma’lumot o‘rnida, Afg‘oniston sanoat va savdo vazirligi delegatsiyasi 14-avgust kuni Moskvaga yetib keldi. “Tolibon” hukumati tomonidan yuborilgan biznes missiyasi Moskvada rossiyalik hamkasblari bilan muzokaralar olib bordi, payshanba kuni delegatsiya Qozonga jo‘nab ketdi.