TOShKENT, 18 avg — Sputnik. Ziddiyatlar kuchayishi va global darajadagi ishonchning pasayishi sharoitida xavfsizlik sohasidagi hamkorlikni mustahkamlash, ayniqsa dolzarb bo‘lib qolmoqda. Bu haqda prezident Shavkat Mirziyoyev Shanxay hamkorlik tashkilotiga (ShHT) a’zo davlatlar ichki ishlar va jamoat xavfsizligi vazirlariga yo‘llagan murojaatida ma’lum qildi. Mirziyoyev murojaatini O‘zbekiston prezidenti huzuridagi Xavfsizlik kengashi kotibi Viktor Maxmudov o‘qib eshittirdi, deb xabar bermoqda Sputnik muxbiri.
Davlat rahbarining so‘zlariga ko‘ra, ShHT doirasida ichki ishlar vazirlarining muntazam yig‘ilishlari formati o‘zining samaradorligini isbotlagan
“Bugungi kunda dunyo tub o‘zgarishlarni boshdan kechirmoqda, hozirgi murakkab xalqaro vaziyatning keyingiri vojlanishini bashorat qilish tobora qiyinlashmoqda. Ziddiyatlar kuchayishi va global darajadagi ishonchning pasayishi sharoitida xavfsizlik sohasidagi hamkorligimizni mustahkamlash ayniqsa dolzarb bo‘lib qolmoqda”, - dedi Mirziyoyev.
O‘zbekiston rahbarining ta’kidlashicha, hozir diqqat markazda qo‘shma qarorlar va jamoaviy harakatlarni talab qiladigan dolzarb muammolar mavjud . Bu, birinchi navbatda, uyushgan jinoyatchilik, terrorizm, ekstremizm, giyohvand moddalar va qurollarning noqonuniy aylanishiga qarshi kurash.
Mirziyoyev noqonuniy xatti-harakatlarni tartibga solish va tartibsizliklarni boshqarish, yoshlar va bolalarni jinoiy faoliyatga jalb qilish uchun Internet va ijtimoiy tarmoqlardan foydalanish ham xavfli tendensiyaga aylanganini qayd etgan.
“Bunday sharoitda ilg‘or tajribalar, tahliliy va bashoratli materiallar almashinuvini kengaytirish, ko‘proq tezkor-qidiruv tadbirlarini o‘tkazish, ichki ishlar organlari uchun kadrlar tayyorlash sohasidagi hamkorlikni kengaytirish muhim ahamiyatga ega”, - deya xulosa qildi Mirziyoyev.
17-18 avgust kunlari Toshkentda O‘zbekistonning ShHTga raisligi doirasida tashkilotga a’zo davlatlar ichki ishlar va jamoat xavfsizligi vazirlarining to‘rtinchi Kengashi bo‘lib o‘tmoqda. Kengash kun tartibiga ko‘ra, xalqaro va mintaqaviy xavfsizlikni ta’minlash jarayonida hamkorlikni yanada rivojlantirish, giyohvandlik vositalari va psixotrop moddalarning noqonuniy aylanmasi, terrorizm, ekstremizm va separatizm hamda transmilliy uyushgan jinoyatchilikka qarshi kurashish va boshqa masalalar muhokama etiladi.