TOShKENT, 18 avg — Sputnik. Rossiyaning "Rubin" futbol klubi o‘zbekistonlik yarim himoyachi Umarali Rahmonaliyev transferi borasida kelishuvga erishdi. Bu haqda klub matbuot xizmati xabar bermoqda.
Rahmonaliyev qishda "Bunyodkor" bilan amaldagi shartnomasi yakuniga yetgach, Qozon jamoasi safiga borib qo‘shiladi. Shartnoma 3,5 yilga mo‘ljallangan.
Futbolchi "Bunyodkor" safida joriy mavsum Superliga doirasida 12 ta uchrashuvda maydonga tushib, 5 ta gol urgan.
"Rubin" bu mavsumda Rossiya birinchi ligasida 5-turdan so‘ng 8 ochko bilan 8-o‘rinda bormoqda.