TOShKENT, 16 avg - Sputnik. Jizzax viloyatidagi "Forish" o‘quv poligonida 2022-yilgi Armiya o‘yinlari doirasida O‘zbekiston Mudofaa vazirligi Markaziy harbiy okrugi hududida o‘tkazilgan “Usta qurolchi”, “Dala oshxonasi” va “Xavfsiz muhit” musobaqalari ochildining ochilish marosimi bo‘lib o‘tdi.
O‘yinlarning ochilish marosimida O‘zbekiston mudofaa vazirining tarbiyaviy va mafkuraviy ishlar bo‘yicha o‘rinbosari polkovnik Hamdam Qarshiyev va Rossiya delegatsiyasi rahbari general-mayor Valeriy Vasilevlar ishtirok etishdi.
Ushbu xalqaro musobaqalarni o‘z zaminimizda o‘tkaza olganimizdan faxrlanamiz. Ishonchimiz komilki, ularning har biri harbiy sohada tajriba almashish va hamkorlikni mustahkamlashga xizmat qiladi”, — dedi Qarshiyev.
Shuningdek, tahdidlar, mojarolar va qurolli to‘qnashuvlar kuchayib borayotgan davrda harbiy xizmatchilarda yuksak vatanparvarlik tuyg‘usini shakllantirish va rivojlantirish, ularda jangovar ruhni kuchaytirishni ta’minlash muhim ahamiyatga ega ekanini ta’kidladi.
O‘z navbatida, Valeriy Vasilev Armiya o‘yinlari xalqaro hamkorlikni rivojlantirishga, mamlakatlarimiz xavfsizligini ta’minlash manfaatlari yo‘lida sheriklik munosabatlarini mustahkamlashga, sayyoramizdagi barqarorlikka xayoliy emas, real tahdidlarga jamoaviy javob berishga salmoqli hissa qo‘shayotganini ta’kidladi.