TOShKENT, 15 avg — Sputnik. O‘rta vazn toifasida UFC jangchisi Mahmud Murodov O‘zbekiston Qurolli Kuchlari safiga qo‘shildi. Bu haqda sportchi o‘zining ijtimoiy tarmoqlardagi sahifasida ma’lum qildi.
Murodov bir qator sportchilar va xodimlar qarshisida qasamod qabul qildi.
“O‘zbekiston Respublikasiga va prezidentimga sadoqat bilan xizmat qilaman!”, — deb yozgan jangchi.
Eslatib o‘tamiz, Murodov 2019-yil sentabrida eng nufuzli aralash yakkakurash klublaridan biri - UFC bilan shartnoma imzolagan edi. Jangchi UFC’dagi debut jangida italiyalik Alessio di Kirikoni (13-5) ochkolar hisobiga ko‘ra mag‘lubiyatga uchratgan.
Mahmud Murodov o‘tkazgan janglarida 25-marta g‘alaba qozongan, 7-marta mag‘lubiyatga uchragan.