TOShKENT, 14 avg — Sputnik. 2022 yilning yanvar–iyul oylarida O‘zbekistonga qiymati 40,1 million dollarga teng bo‘lgan 1314 ta elektromobil olib kelindi. Bu haqda Davlat statistika qo‘mitasi ma’lum qildi.
Ta’kidlanishicha, elektromobil importi 2021-yilning mos davriga nisbatan 901 taga yoki 3,2 baravarga oshgan.
7 oyda mamlakatga elektromobil import qilganlar:
Xitoy – 1155 ta;
BAA – 81 ta;
Germaniya – 29 ta;
Gonkong – 29 ta;
Koreya – 7 ta;
Litva – 7 ta;
Estoniya – 2 ta.
Eslatib o‘tamiz, avvalroq O‘zbekistonda vodorod gazida harakatlanuvchi transport vositasining tajriba namunasi ishlab chiqilishi xabar qilingan edi.