TOShKENT, 9 avg — Sputnik. Kubaning Matanzas provinsiyasi portida neft ombori yonayotgan joyda yong‘in sig‘imi 50 ming tonna bo‘lgan to‘rtta sisternani qamrab oldi. Bu haqda Kuba milliy yong‘in xavfsizligi boshqarmasi boshlig‘i o‘rinbosari Aleksandr Avalos Xorxe ma’lum qildi.
“Bir qator yong‘inlar sodir bo‘ldi, hozir to‘rtta bog‘langan omborlar zarar ko‘rdi”, degan Avalos matbuot anjumanida.
Kubaning Matanzas provinsiyasi portidagi neft omborida o‘tgan juma oqshomida taxminan 25 ming kub metr neft bo‘lgan rezervuar gumbaziga chaqmoq urishi oqibatida kuchli yong‘in boshlangan. Sog‘liqni saqlash vazirligining so‘nggi ma’lumotlariga ko‘ra, yong‘in oqibatida jabrlangan 125 kishidan 22 nafari shifoxonada qolmoqda, besh nafarining ahvoli og‘ir, 16 kishi bedarak yo‘qolgan, bir kishi halok bo‘lgan.
Aleksandr Avalosning so‘zlariga ko‘ra, Kuba tarixida bunday yong‘inning misli ko‘rilmagan va u alanga o‘chirilishi vaqtini oldindan ayta olmaydi – “bu bir necha kun talab qilishi mumkin”. O‘t o‘chiruvchilar yonayotgan rezervuarlarni sovutish bilan bir qatorda, yong‘inning neft mahsulotlari va benzin bilan generator majmualari va 321-terminal hududiga tarqalishining oldini olishga harakat qilmoqda.
Kubaga yong‘inni o‘chirishda yordam berish uchun bir kun avval Meksika va Venesueladan samolyot va vertolotlar, shuningdek, mutaxassislar va texnikalar kela boshladi, 14 ta shunday reys allaqachon qabul qilingan.
Kubalik olimlar yomg‘ir suvi namunalarini o‘rganayotganliklarini aytib, yaqin kelajakda natijalarni va’da qilgan. Gubernatorning so‘zlariga ko‘ra, voqea sodir bo‘lgan hududdan 4800 ga yaqin odam evakuatsiya qilingan.