TOShKENT, 8 avg — Sputnik. Belarus prezidenti Aleksandr Lukashenko Polsha rasmiy Minskka nisbatan eng tajovuzkor davlat ekanini aytdi va u yerda hech qanday siyosatchi bilan gaplashib bo‘lmasligini ta’kidladi.
“Polshaga qarang. Bizga nisbatan eng tajovuzkor davlat. Tushunmayman, nega? Bizda etnik polyaklar yashaydi, ular normal odamlar. Yomon ishlamaydi”, dedi Lukashenko Mior metallprokat zavodi mehnat jamoasi bilan suhbatda.
Lukashenko Polsha siyosatchilariga nima yetishmasligidan hayron bo‘lgan.
“Ularning yetakchilarining reytingi allaqachon 30 foizdan past”, dedi u.
Belarus prezidenti Polsha siyosatchilarining mustaqilligi yo‘qligi haqida gapirgan.
“Ular amerikalik toyga minib, Yevropa bo‘ylab chopishdi. Nemislar ularni yomon ko‘rib qolganiga ancha bo‘lgan, lekin toqat qilishadi. Nega? Chunki amerikaliklar ularni qo‘llab-quvvatlamoqda. Ular allaqachon Ukrainaning bir qismini kesib tashlashga tayyor, Belarusni butunlay yutib yuborishga tayyor. O‘xshamayapti. Ular o‘tkinchilar. Bugun u yerda gaplashadigan hech kim yo‘q”, deya qo‘shimcha qildi u.