TOShKENT, 2 avg — Sputnik. Qozog‘iston prezidenti Qosim-Jomart Toqayev qisqa muddatli ta’tilga chiqdi. Bu haqda bugun mamlakat prezidenti matbuot xizmati xabar berdi.
“Davlat rahbari Qosim-Jomart Toqayev qisqa muddatli ta’tilga chiqdi”, deyiladi xabarda.
Matbuot xizmati Qozog‘iston prezidentining ta’til muddati qayerda va qancha davom etishiga aniqlik kiritmagan.
Ma’lumot uchun, o‘tgan yili Toqayev 13-iyul kuni qisqa ta’tilga chiqqan edi. U to‘rt kunlik ta’tilini Sharqiy Qozog‘iston viloyatidagi eng go‘zal joylaridan biri — Buxtarma suv omborida o‘tkazgandi.