TOShKENT, 2 avg — Sputnik. O‘zbekistonlik futbolchi va hozirda Italiyaning “Roma” jamoasida to‘p surayotgan Eldor Shomurodovga qiziqish bildirayotgan klublar soni ortmoqda.
“Match TV” ma’lumotlariga ko‘ra, Shomurodovga Italiyaning “Sassuolo” va Saudiya Arabistonining “Al-Hilol” jamoalaridan qiziqish bor. Futbolchining o‘zi Italiyada qolishni istamoqda.
Avvalroq OAVda Shomurodovni Italiyaning “Bolonya” va “Torino” va Angliyaning “Vulverxempton” klubi o‘z safiga qo‘shib olishga qiziqish bildirayotgani haqida xabar tarqalgan edi.
O‘zbekistonlik hujumchi “bo‘rilar” safida 40 ta o‘yin o‘tkazib, 5 ta gol urgan va 6 ta golli uzatmani amalga oshirgan.