TOShKENT, 1 avg — Sputnik. Bolgariyaning Sofiya shahrida taekvondo WT bo‘yicha kadetlar o‘rtasidagi Jahon chempionatida Laylo Hasanova eng yaxshi qiz taekvondochi deb topildi. Bu haqda O‘zbekiston taekvondo WT assotsiatsiyasi matbuot xizmati xabar bermoqda.
Musobaqada o‘zbekistonlik 16 nafar taekvondochi ishtirok etdi va ularning 10 nafari sovrindor bo‘ldi.
“Laylo Hasanova barcha raqibalarini mag‘lub etib, Jahon chempioni bo‘ldi. Musobaqa tashkilotchilari aynan Hasanovani “Eng yaxshi qiz taekvondochi” deb topishdi”, - deyilgan xabarda.
Jahon chempionatida Laylo Hasanova oltin, Dilmurod Ma’rufjonov kumush, Sofiya Xan, Ahadjon Muxtorov, Javohir Hidoyatov, Nigora A’zamjonova, Omina Ergasheva, Rozalina Tolibjanova, Ominaxon Kamalova va Mubina Bobosaidova esa bronza medaliga sazovor bo‘lishdi.
Uzbekistanskie taekvondisti na ChM v Sofii
© Foto: Assotsiatsiya taekvondo WT Uzbekistana