TOShKENT, 31-iyul — Sputnik. Rossiya Qurolli kuchlariga gipertovushli “Sirkon” komplekslarini yetkazib berish yaqin oylarda boshlanadi. Bu haqda Rossiya prezidenti Vladimir Putin Sankt-Peterburgdagi harbiy-dengiz paradida ma’lum qildi.
Putin Rossiya Harbiy-dengiz kuchlari qurollari doimo takomillashib borayotganini qayd etdi.
“Ular uchun hech qanday to‘siq mavjud bo‘lmagan, dunyoda muqobili bo‘lmagan eng yangi gipertovushli “Sirkon” raketa komplekslarini eslatib o‘tish kifoya”, - dedi Rossiya yetakchisi.
Uning so‘zlariga ko‘ra, ularni Rossiya Qurolli kuchlariag yetkazib berish yaqin oylarda boshlanadi.
“Bu dahshat soluvchi qurol bilan birinchi bo‘lib“Admiral Gorshkov” fregati jangovar navbatchilikni boshlaydi”, - dedi Putin.