TOShKENT, 29-iyul — Sputnik. Toshkentdagi Ahmad Donish ko‘chasining (yangi Dinamo do‘koni) bir qismi transport vositalari harakati uchun yopildi. Bu haqida shahar hokimligi matbuot xizmati xabar berdi.
Poytaxtdagi Ahmad Donish ko‘chasining bir qismi vaqtincha yopildi
© Press-slujba xokimiyata g. Tashkent
Aytilishicha, 29-iyul kuni soat 09:00 dan 18:00 ga qadar shu ko‘chaning "Sulton" restoranidan avtomobil ko‘prigigacha bo‘lgan qismi transport vositalari harakati uchun yopildi.
Bu yo‘lda yangi yer usti piyodalar o‘tish yo‘li qurilmoqda.
“Haydovchilardan aylanma yo‘llardan foydalanishlarini va noqulayliklar uchun uzr so‘raymiz”, deyiladi xabarda.
Eslatib o‘tamiz, 14-iyul kuni ham Ahmad Donish ko‘chasida (yangi Dinamo do‘koni) yangi yer usti piyodalar o‘tish yo‘li qurilayotgani sababli yopilgandi.
Kuni kecha Chilonzor tumanining Chilonzor ko‘chasi Muqimiy ko‘chasi bilan kesishgan joyidan Gagarin haykaligacha bo‘lgan qismi avtomobillar harakati uchun yopildi. U yerda yo‘l qurilishi ishlari olib borilmoqda.