TOShKENT, 27-iyul — Sputnik. Rossiya senatori Aleksey Pushkov AQSh vitse-prezidenti Kamala Harrisning o‘z jinsi va shaxsiy olmoshlari haqidagi bayonotiga munosabat bildirdi.
Avvalroq Harris Oq uyda abort mavzusidagi yig‘ilishda “u ayol” va uning olmoshlari “u (she\her)” ekanini aytgan edi.
“Kamala Harris uning olmoshi “u (she\her)” ekanini va u ayol ekanini aytdi. Demak, endi biz bu haqda bilamiz. Uning vitse-prezidentlik davridagi eng tushunarli bayonoti”, - deb yozdi Pushkov Telegram’dagi kanalida.
Qo‘shma Shtatlar rasmiylari ko‘pincha kulgili vaziyatlarga duch keladi. Xususan, Harris o‘tgan yili Janubiy Koreyaning o‘sha paytdagi prezidenti Mun Chje In bilan muzokaralar chog‘ida qilgan imo-ishorasi uchun tanqidga uchradi: u o‘zaro qo‘l berib ko‘rishgach, darrov shimiga qo‘lini artgandi.
AQSh prezidenti Jo Baydenda ham bunday holat ko‘p kuzatiladi. U Rossiya prezidenti Vladimir Putin ismini noto‘g‘ri talaffuz qilgan, “vaksinatsiya” va “eskalatsiya” so‘zlarini, shuningdek, Suriyani Liviya va Iroqni Eron bilan chalkashtirib yuborgan, bir necha bor vitse-prezident Xarrisni davlat rahbari deb atagan.