TOShKENT, 27-iyul — Sputnik. Eronda Rossiyaga uskunalar yetkazib berish va Rossiya avialaynerlariga texnik xizmat ko‘rsatish bo‘yicha kelishuvni tasdiqlashga qaror qilindi. Bu haqda Islom respublikasi Fuqaro aviatsiyasi boshqarmasi vakili Mirakbar Razaviy ma’lum qildi.
Uning so‘zlariga ko‘ra, kelishuv Rossiyaga Eronda ishlab chiqarilgan qismlar va jihozlarni yetkazib berish, shuningdek, Rossiya samolyotlarini Islom respublikasining servis markazlarida ta’mirlash, texnik xizmat ko‘rsatish va qo‘llab-quvvatlash imkoniyatlarini ko‘zda tutadi.
Shuningdek, Rossiya transport vaziri o‘rinbosari va Eron Fuqaro aviatsiyasi boshqarmasi rahbari o‘zaro anglashuv memorandumini imzolagan. Unga ko‘ra, Rossiya va Eron o‘rtasidagi yo‘lovchi aviareyslari soni haftasiga 35 taga yetkaziladi.