TOShKENT, 27-iyul — Sputnik. Amerika Qo‘shma Shtatlari “tiz cho‘kdi” va birin-ketin xo‘rliklarga duchor bo‘lmoqda. Bu haqda sobiq prezident Donald Tramp ta’kidladi. RIA Novosti
“Mamlakatimiz global miqyosda birin-ketin tarixiy xo‘rliklarga duch kelmoqda, vatanda esa asosiy huquq va erkinliklarimiz qamal ostida”, dedi Tramp America First Policy Institute forumida.
Uning so‘zlariga ko‘ra, uning davrida mamlakatda energiya resurslari masalasi ustunlik qilgan, benzin narxi va inflyatsiya past bo‘lgan, davlat dunyoda hurmatga sazovorbo‘lgan.
“Amerika orzusi parcha-parcha bo‘ldi va bu sotsialistik iqtisodiy siyosat va sivilizatsiyaga hujum ortga qaytarilmas ekan, mamlakat qolmaydi. Hozir bizning mamlakatimiz tiz cho‘kdi. Shunday bo‘ladi, deb kim ham o‘ylagan edi”, dedi Tramp.
Uning ta’kidlashicha, Qo‘shma Shtatlar boshqa mamlakatlardan energiya so‘ramoqda, inflyatsiya va benzin narxi rekord darajaga yetmoqda, “millionlab” noqonuniy muhojirlar mamlakatga himoyalanmagan chegaralardan “bostirib kirmoqda”. Trampning aytishicha, mamlakat juda tez “do‘zaxga tushadi”.