TOShKENT, 22-iyul — Sputnik. Berlin Moskvaga qarshi iqtisodiy urushni to‘xtatishi kerak, chunki u Rossiya energiya manbalarisiz yashay olmaydi, dedi nemis deputati, chap partiya parlamentdagi fraksiyasining sobiq rahbari Sara Vagenknext “DPA” axborot agentligiga bergan intervyusida. Uning so‘zlarini RIA Novosti keltirdi.
“Rossiya xomashosi — nisbatan arzon yoqilg‘i — Rossiya energetikasi raqobatbardosh nemis sanoati mavjudligi uchun zarur shart-sharoitlardir, bizga usiz qiyin bo‘ladi. Iqtisodiy urush Germaniyani vayron qilmoqda, ammo u Putinga deyarli zarar yetkazmayapti", dedi u.
Vagenknextning so‘zlariga ko‘ra, Ukraina Rossiyaning yadroviy kuchini harbiy yo‘l bilan mag‘lub eta olmaydi.
“Shuning uchun siz muzokaralar olib borishingiz va murosaga kelishingiz kerak”, deya tushuntirdi Vagenknext.
Shuningdek, u GFRni Ukrainadagi mojaroda vositachi rolini o‘ynashga va uni “muzlatib qo‘yishga” chaqirgan Germaniyaning Saksoniya federal davlati bosh vaziri Mixael Krechmerni qo‘llab-quvvatladi.
“Rossiya xomashosini Germaniyaga yetkazib berishi kerak. Krechmer bu borada haq”, dedi Vagenknext.
Yana bir nemis parlamentarisi, Bundestagdagi o‘ng qanot “Germaniya uchun muqobil” partiyasi fraksiyasi rahbari Tino Xrupalla ham bosh vazirning fikriga qo‘shildi. U Ukrainadagi mojaroni diplomatiya yo‘li bilan hal qilishga chaqirdi.
“Aks holda, farovonligimiz uchun halokatli oqibatlarga olib keladigan sanksiyalar rejimi hech qachon tugamaydi”, - deya xulosa qildi u.