TOShKENT, 18-iyul — Sputnik. AQSh Ukrainadagi biologik faoliyati tinchlik yo‘lida bo‘lganini ta’kidlab, o‘zini oqlamoqchi, biroq buning isboti yo‘q, deydi Rossiya tashqi ishlar vaziri Sergey Lavrov.
Uning so‘zlariga ko‘ra, Donbassning ozod etilgan hududlaridagi harbiy biologik laboratoriyalarda maxsus operatsiya kuchlari tomonidan aniqlangan “topilmalar” Biologik va toksik qurollar bo‘yicha Konvensiyaning to‘g‘ridan-to‘g‘ri buzilganiga ishora qiladi.
“Biz Vashington va BMT Xavfsizlik Kengashiga kerakli hujjatlarni taqdim etganmiz. Konvensiyaga muvofiq, tushuntirishlarni olish ishlari boshlandi. Faktlar bo‘lishiga qaramay, Amerika ma’muriyati Ukrainadagi barcha biologik tadqiqotlar faqat tinchlik xususiyatiga ega ekanini ta’kidlab, o‘zini oqlamoqchi bo‘lmoqda. Biroq bunga ularning hech qanday isbot-dalili yo‘q”,- deydi Lavrov o‘zining “Izvetiya”da e’lon qilingan maqolasida.