TOShKENT, 13-iyul — Sputnik. AQShning sobiq prezidenti Donald Trampning milliy xavfsizlik bo‘yicha sobiq maslahatchisi Jon Bolton chet ellarda davlat to‘ntarishini tayyorlashda ishtirok etganini tan oldi.
Ushbu bayonot o‘tgan yilning 6-yanvarida Kapitoliy yaqinidagi tartibsizliklar munosabati bilan Trampga nisbatan zo‘ravonlikka da’vat haqidagi ayblovlar ortidan yangradi. O‘shanda saylov natijalaridan norozi bo‘lgan sobiq prezident tarafdorlari Kapitoliyni egallab olgan edi.
Bolton ma’lum qilishicha, sobiq prezident "puxta rejalashtirilgan davlat to‘ntarishi"ni amalga oshirish uchun yetarli darajada qobiliyatli emas.
"Bu yerda (AQShda) emas, boshqa mamlakatlarda davlat to‘ntarishlarini rejalashtirishda yordam bergan odam sifatida aytamanki, bu ko‘p ishni talab qiladi. Tramp amalga oshirgan narsa bu emas", — dedi u CNN telekanali efirida.
2021 yil 6-yanvar kuni Donald Tramp tarafdorlari, o‘sha paytdagi amaldagi prezident, Vashingtondagi mitingdan keyin Kapitoliyga hujum uyushtirdi. Bu saylov yakunlarini muhokama qilayotgan kongressning ishi bir necha soatga to‘xtab qolishiga olib keldi. Tartibsizliklar natijasida bir namoyishchi va politsiya xodimi halok bo‘ldi. Yana uch kishi zo‘ravonlik bilan bog‘liq bo‘lmagan sabab tufayli vafot etdi. Huquqni muhofaza qiluvchi organ xodimlarini namoyishchilarni kongress binosidan haydab chiqargandan keyin Jo Baydenning saylovdagi g‘alabasi tasdiqlandi.