Rossiyaning Donbassdagi maxsus harbiy operatsiyasi

Severodoneskka kirishdagi stela Rossiya bayrog‘i ranglariga bo‘yaldi – video

LXRda ozod qilingan shaharga kirishdagi “Severodonesk” stelasi Rossiya bayrog‘i ranglariga bo‘yaldi.
Sputnik
TOShKENT, 11-iyul — Sputnik. Lugansk xalq respublikasida ozod qilingan shaharga kirishdagi “Severodonesk” stelasi Rossiya bayrog‘i ranglariga bo‘yaldi, deb xabar qilmoqda RIA Novosti muxbiri.
“Uzoq kutdik, juda uzoq kutdik. Va mana Xudoga shukur, nihoyat bu kunlar yetib keldi. Nihoyat Severedonesk hamisha bo‘lgan, bor va bo‘ladigan ranglarga bo‘yaldi. Hamma xaloskorlarga rahmat”, - dedi Severodonesk shahrida yashovchi, Afg‘onistondagi urush faxriysi Sergey.
U Severodonesk aholisi shahar tez orada qayta tiklanishi va yana go‘zal shaharga aylanishiga umid qilishlarini ta’kidladi.
“Biz nafaqat o‘z nomimiz, balki bu yerda qolgan, Ukraina artilleriyasi olovlari ostida bo‘lgan, bularning bariga dosh bergan Severedonesk shahrining deyarli barcha aholisi nomidan aytamiz”, - dedi Sergey.
Rossiya 24-fevral kuni Ukrainada maxsus harbiy operatsiya boshlanganini e’lon qildi. Prezident Vladimir Putin ushbu operatsiyaning maqsadi "sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish" deb atagan.
Buning uchun Ukrainani demilitarizatsiya (harbiy infratuzilmalarini yo‘q qilish) va denatsifikatsiya (millatchilik g‘oyalaridan tozalash) qilish talab etiladi.
Mudofaa vazirligi bayonotiga ko‘ra, Qurolli Kuchlar faqat harbiy infratuzilma va Ukraina qo‘shinlariga zarba bermoqda. 25-martga kelib ular birinchi bosqichning asosiy vazifalarini bajarishdi - Ukrainaning jangovar salohiyatini sezilarli darajada kamaytirishdi.
Rossiya Mudofaa vazirligi endi asosiy maqsad - Donbassni ozod qilish ekanini ta’kidlagan. 3-iyul kuni Lugansk xalq respublikasi to‘liq ozod qilindi.