TOShKENT, 9-iyul — Sputnik. O‘zbekiston va Qirg‘iziston delegatsiyalari ishchi guruhlari ikki davlat chegarasini demarkatsiya qilish bo‘yicha tashkiliy-huquqiy masalalarni kelishish maqsadida navbatdagi yig‘ilish o‘tkazdi.
Vstrecha delegatsiy Uzbekistana i Kirgizstana po voprosu demarkatsii granisi.
Bu haqda Sputnik Qirg‘iziston mamlakat Vazirlar Mahkamasi matbuot xizmatiga tayanib xabar berdi.
Uchrashuv 4-8 iyul kunlari Andijon shahrida “do‘stlik va o‘zaro hamjihatlik muhitida” bo‘lib o‘tdi. Natijada protokol imzolandi.
"Tomonlar qirg‘iz-o‘zbek davlat chegarasini demarkatsiya qilish jarayonini tartibga soluvchi huquqiy va texnik hujjatlar loyihalarini tayyorladi. Tadbir yakunlari bo‘yicha protokol imzolandi", — deyilgan bayonotda.
Shuningdek, matbuot xizmati navbatdagi yig‘ilish Qirg‘iziston Respublikasi hududida o‘tkazilishini ma’lum qildi.