TOShKENT, 6-iyul – Sputnik. O‘zbekistonda yangi o‘quv yili uchun oliy ta’lim muassasalariga kirish imtihonlari ochiq maydonda o‘tkaziladi. Bu haqda Davlat test markazi xabar berdi.
Davlat OTMga o‘qishga qabul qilish jarayonlarini muvofiqlashtirish bo‘yicha davlat komissiyasining 1-son bayoni tasdiqlandi.
“2022-2023 o‘quv yilida o‘qishga qabul uchun kirish test sinovlari stadion va xiyobonlarda o‘tkazilishi belgilandi”, deyiladi xabarda.
Eslatib o‘tamiz, avvalroq davlat komissiyasining yoki maxsus komissiyaning taklif va cheklovlari bo‘lmasa, test sinovlari yopiq binolarda o‘tkazilishi ma’lum qilingandi.