TOShKENT, 30-iyun — Sputnik. Toshkentda “Yoshlar va kino” aksiyasi doirasida rus-o‘zbek filmlarining bepul kino namoyishlari bo‘lib o‘tadi.
Filmlar namoyishi Butunrossiya davlat kinematografiya instituti Toshkent filialining yozgi kinoteatrida bo‘lib o‘tadi.
Oilaviy komediya muxlislari Kinematografiya agentligi va “Sputnik Vostok prodakshn” kinostudiyalari tomonidan suratga olingan “Quyosh lazzati” filmini 30-iyun soat 18.00da tomosha qilishlari mumkin (6+).
Shuningdek, Kinematografiya agentligi va "VEGA" kinokompaniyasi tomonidan suratga olingan “Pari sovg‘asi" kinokartinasi 1-iyul kuni 18.00da namoyish etiladi.
Ikkinchi film namoyishining asosiy jihati o‘zbek va rossiyalik aktor, rejissor Farhod Mahmudovning ishtirok etishi bilan bog‘liq. Aytish joiz, Mahmudov “Kuxnya", "Bednaya Nastya", "Posledniy boy mayora Pugacheva", "Sindrom jizni", "Ibrat" loyihalardagi ishtiroki bilan mashhur.
Butunrossiya davlat kinematografiya instituti Toshkent filiali matbuot xizmati Sputnik muxbiriga ma’lum qilishicha, film namoyishlariga kirish bepul.