TOShKENT, 13-iyun — Sputnik. Yil boshidan buyonQashqadaryo, Namangan, Surxondaryo, Farg‘ona, Buxoro viloyatlarida 100 ming nafar aholi qamrab olingan chuqurlashtirilgan tibbiy ko‘riklar tashkil etildi. Bu haqda Sog‘liqni saqlash vazirligi xabar berdi.
Shu yildan boshlab hududlarda sog‘lomlashtirish aksiyalarini o‘tkazish yo‘lga qo‘yildi.
Aksiyalar doirasida bemorlarda quyidagi amaliyotlar amalga oshirildi:
Buyrak trasplantatsiyasi - 40 nafarga yaqin bemorda;
Aorta-koronar shuntlash va yurak klapanlarini sun’iysiga almashtirish- 20 nafar;
Tomir orqali tug‘ma yurak nuqsonlarini bartaraf etish-qariyb 20 nafar;
Chanoq-son bo‘g‘imini endoprotezlash operatsiyalari o‘tkazish- 30 nafrga yaqin.
Aytilishicha, mamlakatda birinchi marta Beruniy tumani va Andijon shahrida buyrak transplantatsiya amaliyotlari tuman darajasida bajarildi.
“Joylarda aholi chuqurlashtirilgan tibbiy ko‘riklardan o‘tkazilib, sayyor tibbiy qabullar orqali ularning salomatligi bilan bog‘liq muammoli masalalarini joyida hal etildi. Davlat tibbiy sug‘urta jamg‘armasi mablag‘lari hisobidan yuqori texnologik operatsiyalarga muhtoj fuqarolarni davolash mexanizmi joriy qilindi”, deyiladi xabarda.
Hozir qolgan hududlarda ham murakkab operatsiyalarga muhtoj bemorlar ro‘yxati shakllantirilib, ularni bosqichma-bosqich davolash rejalashtirilmoqda.