TOShKENT, 7-iyun — Sputnik. Xerson viloyati hududida birinchi Rossiya banki ish boshladi. Bu haqda viloyat harbiy-fuqarolik ma’muriyati rahbari o‘rinbosari Kirill Stremousov ma’lum qildi.
Shu bilan birga u bank hozir tajriba tariqasida ishlayotganiga aniqlik kiritib o‘tdi va qaysi bank ekanini ochiqlamadi.
“Hozir barcha bank tizimi shakllanish jarayonida, bu vaqt masalasi, biroq hammasi tez bajarilmoqda. O‘ylaymanki, yaqin bir-bir yarim oy ichida odamlar o‘z hisoblarini ochishlari mumkin”, - dedi Stremousov. Uning so‘zlaridan RIA Novosti iqtibos keltirgan.
Viloyat harbiy-fuqarolik ma’muriyati rahbari o‘rinbosarining so‘zlariga ko‘ra, Ukraina harbiylarining o‘zi aloqaga shikast yetkazganligi sabab Ukraina banklari Xerson viloyati hududida endi ishlamaydi.
Eslatib o‘tamiz, maxsus harbiy operatsiya davomida Rossiya harbiylari Ukraina janubidagi Xerson va Zaporojye viloyatining Azov qismini nazorat ostiga oldi. Hududlarda harbiy-fuqarolik boshqaruvi tuzildi, Rossiya telekanallari va radiostansiyalari efirga chiqa boshladi, Qrim bilan savdo aloqalari tiklanmoqda.