TOShKENT, 1-iyun - Sputnik.Qozog‘iston G‘arbning Rossiyaga qarshi sanksiyalarga qo‘shilmaydi, dedi mamlakatning Moskvadagi elchisi Yermek Kosherbayev. Bu haqda RIA Novosti xabar berdi.
“Biz Rossiya Federatsiyasiga nisbatan sanksiyalar bosimiga qo‘shilmaymiz va hamkorligimiz ruhiga zid bo‘lishi mumkin bo‘lgan qadamlar qo‘ymaymiz”, dedi u “Rossiya 24” telekanali efirida.
Yermek Kosherbayev Rossiya har qanday sharoitda ham o‘z mamlakatining eng yaqin qo‘shnisi va eng muhim hamkori bo‘lib qolishini ta’kidladi.
“Qozog‘iston hech qachon geosiyosiy o‘yinlarda qatnashmagan va qatnashmaydi”, deya qo‘shimcha qildi u.
Rossiya 24-fevral kuni Ukrainada maxsus harbiy operatsiya boshlagan edi. Vladimir Putin ushbu operatsiya maqsadi “DXR va LXR fuqarolarini Kiyev rejimi tomonidan sakkiz yil davomida amalga oshirilayotgan tahqirlanish va genotsiddan qutqarish va himoya qilish” deb atagan.
Shu munosabat bilan ko‘plab G‘arb davlatlari Rossiyaga nisbatan qator cheklov choralarini kiritmoqda. Masalan, Yevropa Ittifoqi Ukrainadagi vaziyat tufayli Rossiyaiga qarshi ketma-ket oltita sanksiyalar paketini qabul qildi. Rossiya prezidenti Vladimir Putin Rossiyani jilovlash va zaiflashtirish siyosati G‘arbning uzoq muddatli strategiyasi ekanligini hamda sanksiyalar butun jahon iqtisodiyotiga jiddiy zarba bo‘lganini aytdi. Uning so‘zlariga ko‘ra, G‘arbning asosiy maqsadi millionlab odamlar hayotini yomonlashtirishdir.