#/media/File:HEUraniumC.jpg){kind=link}
TOShKENT, 20-may - Sputnik. Prezident Shavkat Mirziyoyev “Navoiyuran” davlat korxonasini transformatsiya qilish, xorijiy mutaxassislarni jalb etib, texnologik jarayonlarni takomillashtirish bo‘yicha ko‘rsatmalar berdi.
Uzbekistonda so‘nggi yillarda uran bo‘yicha 27 ta yangi kon ochilib, barqaror xomashyo bazasi yaratilgan. <...> Uran zaxirasini xalqaro standartlarga muvofiq baholash, so‘nggi texnologiyalar asosida rudadan uranni ajratib olish darajasini oshirish muhimligi qayd etildi.
Davlat rahbarijahon bozorida uran narxi barqaror o‘sib borayotgani, yangi loyihalarda bu xomashoni qayta ishlash va qo‘shilgan qiymat yaratishga alohida e’tibor qaratish kerakligini ta’kidladi.
Ushbu maqsadga erishi uchun sohaga malakali kadrlar kerakligi ham qayd etildi. Xususan 300nafar o‘rta bo‘g‘in mutaxassislarini tayyorlash uchun Zarafshon, Angren va G‘uzordagi texnikumlarda geologiyaga ixtisoslashgan yo‘nalishlarni ko‘paytirish ta’kidlandi.
Yangi va istiqbolli konlarni tayyorlash, ularga investorlarni jalb qilish maqsadida O‘zbekiston Tiklanish va taraqqiyot jamg‘armasi huzurida “Yangi kon” loyiha ofisi tashkil etiladi. Uning ustav kapitaliga 15 million dollar ajratiladi. Ushbu loyiha ofisi litiy, alyuminiy, magniy, grafit va boshqa nodir metallarni ishlab chiqarish bo‘yicha investitsiya loyihalarini amalga oshiradi.
Undan tashqari, taqdimotda suv tanqisligi muammosini hal qilish maqsadida yerosti suv zahiralaridan aql bilan foydalanish zarurligi qayd etildi. Prezident mutasaddi tashkilotlarga yerosti suvi zaxiralarini ko‘paytirish va ulardan oqilona foydalanishni tashkil etish bo‘yicha topshiriqlar berdi.