Toshkentda ShHTga a’zo davlatlar turizm forumi boshlandi

TOShKENT, 19-may - Sputnik. O‘zbekistonda ShHTga a’zo davlatlar turizm ma’muriyatlari rahbarlarining turizm forumi boshlandi, deb xabar qilmoqda Sputnik muxbiri.

“ShHT mamlakatlari hamkorligining yangi bosqichi: turizm va madaniy meros” xalqaro forumi 15-sentabr kuni Samarqandda bo‘lib o‘tadigan Shanxay hamkorlik tashkilotiga (ShHT) a’zo davlatlar Davlat rahbarlarining Sammitiga to‘g‘ri keldi.

Ayni paytda ShHTga a’zo davlatlar: Hindiston, Qozog‘iston, Xitoy, Qirg‘iziston, Pokiston, Rossiya, Tojikiston, O‘zbekiston turizm ma’muriyatlari rahbarlari, shuningdek, turizmni rivojlantirish va madaniy merosni asrab-avaylash bo‘yicha xalqaro ekspertlarning yig‘ilishi bo‘lib o‘tmoqda.

Mamlakat rahbariyatining faol va har tomonlama qo‘llab-quvvatlashi tufayli O‘zbekiston turizm bozori xalqaro sayyohlar uchun o‘z eshiklarini keng ochdi. Qisqa vaqt ichida vizasiz davlatlar soni 9 tadan 92 taga ko‘paydi. ShHT davlatlari bilan turistik aloqalarni yanada rivojlantirish biz uchun ustuvor vazifadir. Sayyoramizning jami aholisining 44 foizini qamrab olgan ShHT hududi salohiyati to‘liq amalga oshirilmagan ulkan turizm bozoridir. Shunday qilib, 2019-yilda ShHT davlatlaridan 250 millionga yaqin sayyoh chet elda dam olish uchun ketgan (Hindiston 27 million, Xitoy 155 million, O‘zbekiston 1,7 million, Qozog‘iston 206 ming, Tojikiston 31 ming, Rossiya 20 million). Biz kuchlarni birlashtirib, bu oqimni, birinchi navbatda, “ShHTning ichki turizmi”ni rivojlantirishga yo‘naltirishimiz kerak, dedi Aziz Abduhakimov.

Turizm ma’muriyatlari rahbarlari “Shanxay hamkorlik tashkilotiga a’zo davlatlar hukumatlari o‘rtasida turizm sohasidagi hamkorlikni rivojlantirish to‘g‘risidagi bitimlar” loyihasini ma’qulladilar va Sammit davomida imzolashga kelishib oldilar.

Bugungi kunda O‘zbekiston turizm industriyasi oldiga kirish turizmini qayta tiklashni jadallashtirish, ichki turizmni 10 million kishiga yetkazish bo‘yicha jiddiy vazifalar qo‘yildi.