TOShKENT, 10-may — Sputnik. Rossiya badiiy gimnastika federatsiyasi rahbari Vasiliy Titov 46 yoshida Parijda 2024-yilda bo‘lib o‘tadigan Olimpiadada qatnashish istagini bildirgan Oksana Chusovitinani noyob sportchi deb atadi. Bu haqda RIA Novosti xabar berdi.
“Men Oksananing to‘qqizinchi marta Olimpiadada qatnashish qarorini faqat olqishlashim mumkin. U zo‘r, u o‘ziga xos o‘yin namoyish etmoqda. Oksana juda iste’dodli inson, shuning uchun unga chin dildan muvaffaqiyat tilayman. Uning karerasini yakunlab, keyin sportga qaytish qaroriga kelsak, aytadigan ko‘p narsa yo‘q. Agar u o‘zini kuchli his etsa va eng yuqori saviyada o‘ynashda davom etsa, nega bunday bo‘lmasin! Men uning Parijdagi mumkin bo‘lgan natijasi haqida bashorat qilishni istamayman. Uning eng yaxshi o‘yin ko‘rsatishini tilayman. Bunday uzoq umr ko‘rish gimnastikaga xos emas. Men faqat bolgariyalik Yordan Yovchevni eslayman, u ham ajoyib martabaga erishgan”, deydi Vasiliy Titov.
Oksana 2021-yil 25-iyul kuni Tokio Olimpiadasida ishtirok etganidan so‘ng, sportdagi faoliyatini yakunlashini e’lon qilgan edi. Biroq 2021-yilning oktabr oyi boshida, Oksana 2022-yili Xitoyda bo‘lib o‘tadigan navbatdagi Osiyo o‘yinlariga tayyorgarlik ko‘rishini ma’lum qildi.
46 yoshli gimnastikachi sportdagi faoliyatini qayta tiklagach, joriy yilning mart oyida Qatar poytaxti Doxada o‘tkazilgan Jahon kubogida oltin medalni qo‘lga kiritgan.
Iyun oyida 47 yoshga to‘ladigan Chusovitina sakkizta yozgi Olimpiya o‘yinlarida qatnashgan tarixdagi yagona gimnastikachi hisoblanadi. Buxoroda tug‘ilgan sportchi SSSR va Germaniya terma jamoalarida to‘p surgan, hozirda O‘zbekiston sharafini himoya qilmoqda.