TOShKENT, 7-may — Sputnik. O‘zbekistonda eng qimmat avtomobil raqami — 50 777 ZZZ kim oshdi savdosida 669 600 000 so‘mga sotildi.
Raqam avtoraqamlar onlayn auksionida joriy yilning 29-aprel kuni savdoga qo‘yilgan. Uning boshlang‘ich narxi 135 million so‘m bo‘lgan.
Onlayn auksionda 50 777 ZZZ avtomobil raqami 669,6 mln so‘mga sotildi
© Foto: avtoraqam.uzex.uz
Ko‘rinib turibdiki, mazkur raqam boshlang‘ich narxidan bir necha barobar qimmatga sotilgan. 50 777 ZZZ raqamini namanganlik fuqaro xarid qilgan.
Ma’lumot uchun, o‘tgan yilning oktabr oyida Toshkentda elektron auksionda 01 O 001 OQ avtomobil raqami 498 million 150 ming so‘mga sotilgan edi.
2021 yilning olti oyida o‘zbekistonliklar chiroyli raqamlar uchun 139 milliard so‘m sarflagan.