TOShKENT, 4-may — Sputnik. Farg‘ona – Mo‘ynoq – Farg‘ona yo‘nalishida aviaqatnovlar tashkillashtiradi. Bu qabul qilingan “Ichki turizm xizmatlarini diversifikatsiya qilishga oid qo‘shimcha chora-tadbirlar to‘g‘risida”gi prezident qarorida belgilab qo‘yilgan.
Transport-logistika masalalarini tezkor ko‘rib chiqish bo‘yicha idoralararo komissiya ikki hafta muddatda bu yo‘nalishdagi aviaqatnovlarni tashkillashtirilishini ta’minlashi zarur.
Bundan tashqari, Farg‘ona va Samarqand, Farg‘ona va Buxoro, Farg‘ona va Termiz hamda Farg‘ona va Urganch shaharlari orasida aviaqatnovlarni qayta yo‘lga qo‘yish masalasi ko‘rib chiqilishi kerak.
Avvalroq Toshkent-Nukus-Mo‘ynoq aviaqatnovi yo‘lga qo‘yilgani xabar qilingan edi.