Turkmanistonning sobiq prezidenti, hozirda Turkmaniston parlamenti yuqori palatasi raisi Gurbanguli Berdimuhamedov ta’til vaqtida “Hayotimning mazmuni” nomli xotiralar kitobini yozib tugatdi.
Uning so‘zlariga ko‘ra, yangi asarda turkman xalqining tarixi, urf-odatlari, qadriyatlari va mamlakatning bugungi kundagi taraqqiyotiga alohida urg‘u berilgan.
11 fevral kuni Turkmaniston parlamentining yuqori palatasining navbatdan tashqari yig‘ilishida prezident Gurbanguli Berdimuhamedov endilikda Xalq maslahati raisi sifatida siyosiy tajribasini mamlakat taraqqiyotiga sarflash, o‘z o‘rnini yosh kadrlarga topshirish niyatida ekanini aytgandi.
12 mart kuni Turkmanistonda bo‘lib o‘tgan prezident saylovida Serdar Berdimuhamedov saylovchilarning 72,97 foiz ovozi bilan g‘alaba qozondi va 19-mart kuni vazifalarini bajarishga kirishdi.