TOShKENT, 27 apr — Sputnik. Rossiya Qurolli kuchlari Ukrainaning Bucha shahridagi voqealarga aloqasi yo‘q, Moskva bu provokatsiya ortida kim turganini biladi. Bu haqda Rossiya prezidenti Vladimir Putin BMT bosh kotibi Antoniu Guterrish bilan uchrashuvda ma’lum qildi.
“Biz buni kim qilganini bilamiz. Biz bu provokatsiyani kim tayyorlagani, qaysi vositalar bilan va kimlar buning ustida ishlaganini bilamiz”, - dedi Putin.
Moskvada bo‘lib o‘tgan Rossiya rahbari va BMT bosh kotibi Antoniu Guterrish uchrashuvi bir soatcha davom etgan.
2 va 3-aprel kunlari Ukraina tomoni Kiyev yaqinidagi Bucha shahrida tinch aholi orasida ko‘plab qurbonlar borligi haqida xabar tarqata boshladi. O‘shanda Rossiya Mudofaa vazirligi Kiyev rejimi tomonidan chop qilingan rossiyalik harbiylarning Buchadagi go‘yoki harbiy jinoyatlari haqidagi surat va videolari provokatsiya ekanini ma’lum qildi. Vazirlik Rossiya armiyasi Buchada bo‘lib turgan paytda mahalliy aholi jabr ko‘rmaganini alohida urg‘uladi.
12 aprel kuni Belarus prezidenti Aleksandr Lukashenko Buchadagi voqealar Buyuk Britaniyaning psixologik operatsiya ekanini ma’lum qildi. Rossiya yetakchisining so‘zlariga ko‘ra, Lukashenko unga bu feyklarni fosh qiluvchi hujjatlarni bergan.
15 aprel kuni Rossiya Tergov qo‘mitasi Buchadagi provokatsiyadan so‘ng Rossiya Qurolli kuchlariga oid feyklar to‘g‘risida jinoiy ish ochdi.