O‘zbekiston prezidenti Shavkat Mirziyoyevning shaxsan o‘zi "Uzbekistan GTL"ning ochilishiga tashrif buyurdi.
Gigant zavodda dunyoning turli mamlakatlaridan 10 ming dona jihozlar mavjud. Korxona yiliga 3,6 milliard kub metr tabiiy gazni qayta ishlash imkoniyatiga ega.
Zavodda qiymati 1 milliard dollardan ortiq bo‘lgan suyuq sintetik yoqilg‘i ishlab chiqarish rejalashtirilgan bo‘lib, bu yerda qo‘shimcha ravishda 307 ming tonna samolyot yoqilg‘isi, 724 ming tonna dizel yoqilg‘isi, 437 ming tonna nafta, 53 ming tonna suyultirilgan gaz ishlab chiqariladi.
Shuningdek, zavod yiliga 380 ming tonna poliyetilen va polipropilen ishlab chiqaradi.
Loyiha Rossiyaning “Gazprombank” OAJ, “Rotseximbank” OAJ, Rossiya eksport kreditlari va investitsiyalarni sug‘urtalash agentligi (EXIAR) kabi Rossiya tuzilmalari tomonidan moliyalashtirildi.
"Uzbekistan GTL"ning umumiy qiymati 3,42 milliard dollarni tashkil etdi. Ayni paytda mamlakatida dizel yoqilg‘isi va kerosin ishlab chiqaradigan ikkita zavod bor: Farg‘ona va Buxoro neftni qayta ishlash zavodlari. Yangi "Uzbekistan GTL"ning ishga tushirilishi bu taqchillikni qoplaydi.
Sputnik muxbiri yaqinda ochilgan "Uzbekistan GTL" zavodida bo‘lib, aynan nima uchun bu majmua noyobligi, qanday texnologiyalar qo‘llanilayotgani va O‘zbekistonga bunday zavod nima uchun umuman kerakligi haqida aniq ma’lumotga ega bo‘ldi – videomizda batafsil ma’lumotlarga ega bo‘lishingiz mumkin.