TOShKENT, 21 apr — Sputnik. Rossiya prezidenti Vladimir Putin ukrainalik jangarilar berkingan Mariupoldagi “Azovstal” metallurgiya kombinatiga hujum qilishni maqsadga muvofiq emas deb atadi.
“Bekor qilishni buyuraman”, - dedi Putin Rossiya mudofaa vaziri Sergey Shoygu bilan uchrashuvda.
"Hozir biz askar hamda zobitlarimizning hayoti va sog‘lig‘ini saqlab qolishni o‘ylashimiz kerak bo‘lgan vaqt, ya’ni bu haqda doim o‘ylashimiz kerak, hozir ayniqsa. Ushbu sanoat obyektlari ostidagi katakombalarga (chalkash yo‘llar — tahr.) tushib, emaklash kerak emas", — deya tushuntirdi Rossiya rahbari.
Putinning so‘zlariga ko‘ra, “sanoat obyektlari ostidagi katakombalarga (chalkash yo‘llar — tahr.) tushib, emaklab yurish kerak emas”. U sanoat zonasini hatto pashsha ham uchib o‘ta olmaydigan qilib, bloklab qo‘yishni buyurdi.
Rossiya yetakchisi asirgan tushadigan “Azovstal” hududida qamalgan qolgan hamma ukrainalik harbiylar hayoti saqlanib qolishi kafolatlanishiga va’da berdi.
“Hozirchaga qurolini tashlamagan barchaga yana bir bor buni taklif qiling. Rossiya tomoni tegishli xalqaro huquqiy hujjatlarga binoan ular hayoti va ularga munosib munosabatda bo‘lishlariga kafolat beradi. Yaradorlarga malakali tibbiy yordam ko‘rsatiladi”, - dedi Putin
Shoygu Rossiya prezidentiga Mariupol ozod qilingani borasida hisobot berdi. Uning so‘zlariga ko‘ra, “Azovstal”da ikki mingga yaqin Ukraina kuchlari harbiylari yashirinib olgan. Ular to‘liq qurshovda.
Rossiya prezidenti Mariupol ozod qilishini muvaffaqiyat deb atadi va Rossiya armiyasini tabrikladi.