Shifokorning so‘zlariga ko‘ra, agar muntazam ravishda kerakli miqdorda suyuqlik iste’mol qon bosimini yaxshilashi mumkin
“Oddiy ichimlik suvi qon bosimini tushirishda yordam beradi”, - deydi shifokor-parhezshunos, nutritsiolog Yevgeniy Arzamassev.
Uning so‘zlariga ko‘ra, har kuni 1,5- 2 litr suv ichish lozim. Agar odam bundan kam suv iste’mol qilsa, qon bosimi ko‘payadi.
“Buni tanadagi suyuqlikning hujayra ichida va tashqarisida qayta taqsimlanishi mumkinligi bilan izohlash kerak. Shu sababli qon bosimi “sakraydi”. Bir kuni meyorda, boshqa kuni esa kutilmaganda tushishi yoki ko‘tarilishi holatlari kuzatiladi”,- deydi shifokor “Moskva 24” telekanaliga bergan intervyusida.
Agar suv iste’mol qilish tartibga solinsa, suyuqlik taqsimlanishi muvozanatga tushadi. Shuningdek, shifokor tuz va tuzli mahsulotlarni kam va meyorida iste’mol qilishni tavsiya qildi. Chunki tuz organizmda suyuqlikni ushlab turadi.
“Qachon biz tuzni ham meyorda iste’mol qilishni boshlasak, organizmdan ortiqcha suyuqlik chiqadi, so‘ng organizmda qon hajmi muvozanatlanadi va shu sababli bosim pasayadi”,- deydi mutaxassis.