TOShKENT, 10 apr — Sputnik. O‘zbekistonda 1-sentabrdan tadbirkorlikni cheklovchi ayrim harakatlar uchun ma’muriy javobgarlik kuchaytiriladi. u prezident 8-aprel kuni imzolagan 101-sonli farmonda belgilab qo‘yilgan.
1 sentabrdan boshlab quyidagilar uchun ma’muriy javobgarlikni kuchaytirish rejalashtirilmoqda:
davlat hokimiyati va boshqaruvi organlari tomonidan xomashyo, tovarlar va xizmatlarning erkin harakatlanishi va realizatsiya qilinishini (ko‘rsatilishini) noqonuniy cheklash;
litsenziyalash, ro‘yxatga olish, akkreditatsiyadan o‘tkazish va ruxsat berish vakolati berilgan davlat unitar korxonalari yoki muassasalari, yuridik shaxslar birlashmalari tomonidan raqobatni cheklaydigan qarorlar qabul qilish;
monopoliyaga qarshi organ talabiga ko‘ra, zarur hujjat va axborotlarni taqdim etmaganlik, noto‘g‘ri yoki yolg‘on ma’lumotlar taqdim etganlik.
Vazirlar Mahkamasiga ikki oy muddatda Qonunchilik palatasiga tegishli qonun loyihasini kiritish vazifasi topshirilgan.