Suv toshqinlari tufayli Qozog‘istonning 2ta tumanida favqulodda holat e’lon qilindi, deb xabar qildi Sputnik Qozog‘iston.
Qorato‘bin tumanida 25ta uy va maktab suv ostida qoldi. 57 kishi evakuatsiya qilindi. 30 bosh qo‘y va echki nobud bo‘ldi.
Chingirlau tumanida Segizsoy qishlog‘idan viloyat markaziga olib boruvchi yo‘l buzilib ketdi. Olmaz qishlog‘iga kirish qismida ko‘prik vayron bo‘ldi.
Zararni aniqlash va odamlarga yordam berish uchun maxsus komissiya tuzildi. Suv chiqarish ishlari davom etmoqda.