TOShKENT, 30 mar - Sputnik. "Uzcard-Mir" kobeydjing kartasi yaqinda o‘zbekistonliklarga qanday yangi imkoniyatlarni taqdim etishin "Mir" to‘lov tizimi yaqin xorijlik hamkorlar bilan hamkorlik bo‘limi boshlig‘i Aleksandr Sherbakov Sputnik muxbiriga aytib berdi.
Unga ko‘ra, Rossiyaning "Mir" kartasidan O‘zbekistonning Uzcard kartasiga pul o‘tkazish imkoniyati ishlab chiqilmoqda. Teskari operatsiya allaqachon muvaffaqiyatli ishlamoqda, ya’ni endi Rossiyaning Mir kartalari egalari Uzsard-Mir kartalariga pul o‘tkazmalarini yuborishlari mumkin.
“Dastlab biz Rossiyadan O‘zbekistonga pul o‘tkazish bo‘yicha maxsus xizmatni joriy qilgan edik, chunki bizning ma’lumotlarga ko‘ra, mablag‘larning asosiy oqimi aynan shu yo‘nalishda, ya’ni mehnat migrantlaridan to‘g‘ri keladi. Ammo teskari yo‘nalishda tez orada pul jo‘natish ham mumkin bo‘ladi ", - deya tushuntirdi Sherbakov.
Uning qo‘shimcha qilishicha, internet saytlarida to‘lovlarni amalga oshirishdagi kamchiliklarni tuzatish, elektron tijoratni yo‘lga qo‘yish bo‘yicha ham ishlar olib borilmoqda.
Eslatib o‘tamiz, joriy yilning mart oyida Uzcard to‘lov tizimi "Uzcard-Mir" kobeydjing kartalari chiqarilishini e’lon qilgan edi. Ular rubldan so‘mga va aksincha avtomatik konvertatsiyani o‘z ichiga oladi.