TOShKENT, 30 mar — Sputnik. Futbol bo‘yicha Jahon chempionati-2022 rasmiy to‘pi Xalqaro futbol federatsiyasining (FIFA) ijtimoiy tarmoqlarida muxlislar e’tiboriga havola qilindi.
To‘p “Al Rihla” deb nomlangan va u arabchadan “sayohat” ma’nosini anglatadi.
Jahon chempionati 21-noyabrdan 18-dekabrga qadar Qatarda bo‘lib o‘tadi.
Eslatib o‘tamiz, O‘zbekiston milliy terma jamoasi saralash doirasida Saudiya Arabistoniga mag‘lub bo‘lib, JCh-2022 da qatnashish imkoniyatini qo‘ldan chiqargan edi.