TOShKENT, 16 mar — Sputnik. Dunyo iqtisodiyotida dollarning roli Vashingtonning siyosati tufayli tushib boradi. Unga bo‘lgan ishonch susaymoqda. Bu haqda Rossiya tashqi ishlar vaziri Sergey Lavrov ma’lum qildi.
“G‘arb matbuotida xabarlar chop qilinmoqda, jumladan, nemis matbuotida. Ularni kecha, bugun ko‘rdim. Ko‘pchilik dollarda savdo qilishimiz kerakmi deb o‘ylanishmoqda”, - dedi Lavrov.
Rossiya TIV rahbari hozir ko‘p mamlakatlar savdo operatsiyalarini yuanda olib borish ustida bosh qotirishayotganini eslatdi.
Lavrovning so‘zlariga ko‘ra, Amerika dollaridan voz kechish jarayoni boshlangan va uni endi to‘xtatib bo‘lmaydi.
U dollar qulashi va bu valyutaga bo‘lgan ishonch sezilarli susayishini taxmin qildi.