TOShKENT, 13 mar — Sputnik. Ukraina atrofidagi inqiroz Uchinchi jahon urushini keltirib chiqarishi mumkin. AQShning sobiq prezidenti Donald Tramp Janubiy Karolinada tarafdorlari oldiga nutq so‘zlayotib, shunday fikr bildirdi.
“Bu Uchinchi jahon urushiga olib kelishi mumkin, men nima ro‘y berayotganini ko‘rapman. Chunki agar siz Putin to‘xtaydi deb o‘ylasangiz: yomon va yomon bo‘ladi, u buni qabul qilmaydi. Bizda bu bilan gaplashadigan hech kim yo‘q”, - dedi siyosatchi.
Trampning so‘zlariga ko‘ra, amaldagi davlat rahbari Jo Baydenning “zaif va qo‘rqoqligiga” qaramasdan hali yuzaga kelgan vaziyatni hal qilishning diplomatik yo‘li bor.
Trampning fikricha, AQSh Rossiya yetakchisiga uning faqat ikkita tanlovi borligini tushuntirib qo‘yishi kerak – zudlik bilan tinchlik muzokaralarini boshlash yoki yashin tezligidagi oqibatlar, jumladan, G‘arbning Rossiya energiya tashuvchilaridan umuman voz kechishi bilan qarshilash.
Sobiq prezident u ilgari Qo‘shma Shtatlarni dunyo mojarolaridan tutib turganini ta’kidladi va Amerikaning “chirib ketgan va mag‘lub bo‘lgan tashqi siyosat elitasidan voz kechish” vaqti kelganini qo‘shimcha qildi.
Rossiya 24-fevral kuni Ukraina harbiy infratuzilmalarini yo‘q qilish va uni millatchilik g‘oyalaridan tozalash uchun maxsus harbiy operatsiya boshlagan edi. Rossiya Mudofaa vazirligining ma’lum qilishicha, zarbalar faqat harbiy obyektlar va ukrain qo‘shinlariga berilmoqda. Har ikki tomondan qurbonlar bor.