TOShKENT, 9 mar — Sputnik. AQShning Ukraina hududidagi biolaboratoriyalarida biologik urush texnologiyasi ishlab chiqarilayotganini istisno qilish mumkin emas. Bu Rossiya xavfsizligiga to‘g‘ridan-to‘g‘ri tahdid soladi. Bu haqda RIA Novostiga harbiy ekspert, “Natsionalnaya oborona” jurnali bosh muharriri Igor Korotchenko ma’lum qildi.
“Bu ishlar aniq harbiy-amaliy xususiyatga ega bo‘lgan, va biz tadqiqotlar olib borilgani va muayan operatsiya va texnologiyalar, jumladan, biologik urush olib borish uchun ishlab chiqarilgani inkor qilolmaymiz. Bu Rossiya xavfsizligiga to‘g‘ridan-to‘g‘ri, oshkora va bevosita tahdid bo‘lgan. Shubhasiz, Rossiya bu masalani xalqaro tashkilotlarda, jumladan, BMTda ko‘tarishi va tegishli xalqaro munosabat bildirilishini talab qilishi shart”, - dedi Korotchenko.
Ekspertning so‘zlariga ko‘ra, AQSh bu yopiqlik qozon yopiqligicha qolishi uchun qo‘lidan kelgan hamma ishni qilmoqda.
“Bu yana bir bor MDHning har bir mamlakatida bo‘lgan shunga o‘xshash obyektlarni yo‘q qilish zarurligini tasdiqlaydi”, - deya xulosa qildi u.
Eslatib o‘tamiz, avvalroq Rossiya Mudofaa vazirligi Ukrainada amalga oshirilayotgan harbiy biologik dasturi faktlarini fosh qilishgan edi. U yerda 30 dan ziyod biolaboratoriya tarmog‘i shakllantirilgan. AQSh ularni moliyalashtirish uchun 200 million dollardan ziyod mablag‘ sarflagan.
Keyin Xitoy tashqi ishlar vazirligining rasmiy vakili Chjao Liszan Amerika hukumatidan Ukrainadagi harbiy biolaboratoriyalar faoliyati bilan bog‘liq ma’lumotlarni ochiqlashni talab qildi.
AQSh davlat kotibi o‘rinbosari Viktoriya Nuland Ukrainada biologik tadqiqotlar obyektlari mavjudligini tan oldi. Uning so‘zlariga ko‘ra, Kiyev va Vashington hozir u yerda to‘plangan materiallar Rossiya harbiylari qo‘liga tushishiga yo‘l qo‘ymaslik ustida ish olib bormoqda.