TOShKENT, 8 mar - Sputnik. Xitoy tashqi ishlar vazirligining rasmiy vakili Chjao Liszan amerika hukumatidan Ukrainadagi harbiy biolaboratoriyalar faoliyati bilan bog‘liq ma’lumotlarni ochiqlashni talab qildi.
"Biz yana bir marotaba Amerika tomonini mamlakat ichidagi va tashqarisidagi harbiy biologik laboratoriyalar haqida ma’lumotlarni ochqlashga chaqiramiz", - dedi Lizzan.
Diplomatning so‘zlariga ko‘ra, Amerikaning Ukrainadagi faoliyati bu "aysbergning ko‘rinib turgan qismi" xolos. AQSh Mudofaa vazirligi dunyoning 30ta davlatida 336ta biologik laboratoriyalarni nazorat qiladi.
"Ha-ha, siz xato eshitmadingiz, 336ta", - dedi diplomat. Liszan aytishiga ko‘ra, amerikaliklar 20-yildan beri o‘zlarining mamlakat ichidagi va xorijdagi biologik obyektlarini tekshirishdan voz kechib kelmoqda.
Eslatib o‘tamiz, 7-mart kuni Rossiya Qurolli kuchlarining Radiatsion, kimoviy va biologik himoya bo‘limi boshlig‘i Ukrainaning Lvov, Xarkov va Poltava shaharlarida AQSh boshqaruvida xavfli viruslar bilan ishlaydigan 30ta biologik laboratoriyalar aniqlanganini xabar qilgan edi.
Rossiya qo‘shinlari maxsus harbiy operatsiya boshlaganidan so‘ng, Ukraina hududida joylashgan biologik laboratoriyalar katta tezlikda u yerdagi viruslarni yo‘q qilishni boshladi. Rossiya Mudofaa vazirligi ixtiyoridagi hujjatlarga ko‘ra, ushbu biologik laboratoriyalarda xalqaro konvensiyalar bilan ta’qiqlangan viruslar bilan ish olib borilgani ma’lum bo‘lgan. Xususan, vabo, kuydirgi, brutsellez, salmonellez, dizenteriya va yana bir qator o‘ta xavfli viruslar sanab o‘tilgan.