TOShKENT, 6 mar — Sputnik. Rossiyaning iFly aviakompaniyasi 5-martdan O‘zbekistonga parvozlarni vaqtincha to‘xtatdi. Bu haqda Transport vazirligi huzuridagi Fuqaro aviatsiyasi agentligi xabar bermoqda.
Aviakompaniya bajarilishi kutilayotgan va barcha rejalashtirilgan yo‘nalishlarda o‘z parvozlarini noma’lum muddatga to‘xtatganligi haqida rasmiy ma’lumotni O‘zbekiston aviatsiya ma’muriyatiga taqdim etgan.
Bekor bo‘lgan aviaqatnovlar yo‘lovchilariga aviachipta pullarini qaytarish yoki chiptalarini boshqa muddatga qayta bronlash masalalari yuzasidan chiptalarni xarid qilgan aviakassalarga murojaat etishlari tavsiya etilgan.