Rossiya va Ukraina o‘rtasidagi muzokaralarning ikkinchi bosqichi Belovej pushchasida bo‘lib o‘tadi.
Belarus Tashqi ishlar vazirligi muzakaralar o‘tkaziladigan stol suratini chop etdi.
Uchrashuv aniq joyi ochiqlanmagan, faqat "Ovchilar uyi" ekanligi ma’lum.
Moskva va Kiyev vakillari uni birgalikda tanladilar.
Muzokaralarning birinchi bosqichi “baliqchi uyi”da bo‘lib o‘tgandi.
Rossiya delegatsiyasi muzokaralar joyiga yetib keldi.
Ukraina delegatsiyasi ertaga keladi, dedi RF delegatsiya rahbari Vladimir Medinskiy.
Uning so‘zlariga ko‘ra, Rossiya harbiylari Kiyevdan keladigan delegatsiya uchun xavfsizlik koridorini taqdim etdi. Ular ertaga ertalab Belarusdagi muzokaralar o‘tkaziladigan joyga yetib boradi.
“Ertangi muzokaralarda o‘t ochishni to‘xtatish masalasi ham muhokama qilinadi”, - dedi Rossiya delegatsiyasi rahbari Medinskiy.
Uning so‘zlariga ko‘ra, Rossiya Kiyev bilan qator yo‘nalishlar bo‘yicha o‘zaro hamfikrlikka erishgan.